इंडिया दर्पण ऑनलाईन डेस्क – छोट्या पडद्यावरील असो की मोठ्या पडद्यावरील, सेलिब्रिटींच्या आयुष्याबाबत चाहत्यांना नेहमीच एक उत्सुकता असते. सेलिब्रिटी देखील चाहत्यांचं त्यांच्यावरील प्रेम ओळखून सोशल मीडियाच्या माध्यमातून आपल्या आयुष्यातील महत्त्वाच्या घटना चाहत्यांशी शेअर करत असतात. नुकतीच एका प्रसिद्ध अभिनेत्रीनं एक खास पोस्ट शेअर करुन चाहत्यांना आनंदाची बातमी दिली आहे.
अभिनेत्री शुभांगी तांबाळे हिने नुकतेच तिच्या साखरपुड्याचे फोटो सोशल मीडियावर शेअर केले आहेत. या पोस्टला अनेक नेटकऱ्यांनी आणि सेलिब्रिटींनी कमेंट्स करुन शुभांगीला शुभेच्छा दिल्या आहेत. शुभांगीनं तिच्या साखरपुड्याचे काही खास फोटो सोशल मीडियावर शेअर केले, आणि क्षणात त्यावर कमेंट्सचा पाऊस पडला. शुभांगी आणि करण मेहता यांचा साखरपुडा काही दिवसांपूर्वी पार पडला. सोशल मीडियावर शेअर केलेल्या फोटोंमध्ये शुभांगी हिरवा लेहंगा, स्टोनची ज्वेलरी आणि हतात हिरव्या बांगड्या अशा लूकमध्ये आहे.
माझ्या आयुष्यातील सर्वात चांगली गोष्ट, अशी कॅप्शन शुभांगीनं या फोटोंना दिली आहे. अनेकांनी फोटोला कमेंट करुन शुभांगीच्या लूकचं कौतुक केलं आहे. यात काही सेलिब्रिटी देखील आहेत. शुभांगीने शेअर केलेल्या फोटोंना अभिनेत्री भाग्यश्री मोटे, अभिनेता सुयश टिळक यांनी आणि शुभांगीच्या चाहत्यांनी कमेंट करुन शुभेच्छा दिल्या आहेत. शुभांगीने अनेक मालिका आणि चित्रपटांमध्ये काम केलं आहे. ‘ससुराल सिमर का – २’ या मालिकेमध्ये शुभांगीनं काम केलं. एका तेलगू चित्रपटातही ती दिसली आहे. काही दिवसांपूर्वी रिलीज झालेल्या ‘बॉइज-2’ या चित्रपटात शुभांगीनं महत्त्वाची भूमिका साकारली. शुभांगी सोशल मीडियावर देखील सक्रिय असते.
Marathi Actress Shibhangi Tambale Engagement
Entartainment
