इंडिया दर्पण ऑनलाईन डेस्क – वेगळ्या धाटणीचे चित्रपट करण्याचे प्रयोग मराठीतही होत असतात. अशा प्रयोगांमध्ये दिग्दर्शक नागराज मंजुळे यांचे नाव वरच्या क्रमांकावर आहे. ‘सैराट’, ‘फॅन्ड्री’, ‘झुंड’ अशा चित्रपटांमधून त्यांनी याची प्रचिती दिली आहे.
नागराज मंजुळे यांचा ‘फँड्री’ हा चित्रपट सुपरहिट ठरला होता. या चित्रपटातून ग्रामीण भागातील समाजमन, वास्तव त्यांनी प्रेक्षकांसमोर मांडलं होतं. या चित्रपटातील जब्या आणि शालूच्या जोडीनं प्रेक्षकांची मनं जिंकली होती. या चित्रपटातील शालू म्हणजेच अभिनेत्री राजेश्वरी खरात सोशल मीडियावर चांगलीच चर्चेत असते.
राजेश्वरीचे सोशल मीडियावर चांगलीच सक्रिय आहे. फोटो आणि व्हिडीओ शेअर करत ती चाहत्यांना अनेक गोष्टी शेअर करत असते. अलीकडेच राजेश्वरीने तिचा एक व्हिडीओ शेअर केला आहे. त्यानंतर तिला नेटकरी खूप ट्रोल करत आहेत. या व्हिडीओत राजेश्वरी ‘डर्टी लिटल सिक्रेट’ या गाण्यावर डान्स करता दिसत आहेत. यात तिचे दोन लूक आहेत. पहिल्या लूकमध्ये तिने जीन्स व क्रॉप टॉप घातले आहे, तर दुसऱ्यामध्ये तिने डीप नेक वन पीस घातला आहे.
या गाण्यात राजेश्वरीच्या बोल्ड अदा आहेत. तिने नोरा फतेहीसारखा डान्स या गाण्यात करण्याचा प्रयत्न केला आहे. पण, तिचा हा व्हिडीओ चाहत्यांच्या पसंतीस पडलेला दिसत नाहीये. तिच्या या व्हिडीओवर ‘हे असे चाळे चालणार नाही शालू समजलं का नाही तर ,,,,’, ‘म्हणूनच नागराज सर तुला पुन्हा चान्स देईनात’, ‘शालूवर काळ्या चिमणीची जादू झाली वाटतं’, ‘चांगल्या करिअरसाठी अॅक्टिंगवर लक्ष दे, अशा रील्स बनवत बसू नकोस’, अशा प्रकारच्या कमेंट्स नेटकऱ्यांनी केल्या आहेत.
Marathi Actress Rajeshwari Kharat Troll in Social Media
