इंडिया दर्पण ऑनलाईन डेस्क – अभिनेत्री प्राजक्ता माळी ही तरुणांच्या दिलाची धडकन आणि प्रेक्षकांच्या गळ्यातील ताईत आहे. सुंदर चेहरा, निखळ हसू आणि उत्तम अभिनय या गुणांच्या जोरावर प्राजक्ताने मनोरंजन क्षेत्रात स्वतःचे स्थान निर्माण केले आहे. नुकतंच तिने दागिन्यांमध्येही स्वतःचा ब्रँड निर्माण केला आहे. या क्षेत्रात आता स्थिरावलेल्या प्राजक्ताच्या लग्नाची चर्चा सुरू झाली नाही तरच नवल.
मराठमोळी अभिनेत्री प्राजक्ता माळी ही नेहमीच कोणत्या ना कोणत्या कारणामुळे चर्चेत असते.
प्राजक्ता सोशल मीडियावर सक्रिय आहे. प्राजक्ताचे लाखो चाहते आहेत. सोशल मीडियावर फोटो आणि व्हिडीओ शेअर करत प्राजक्ता चाहत्यांच्या संपर्कात राहते. सध्या प्राजक्ता माळी ही एका वेगळ्या गोष्टीमुळे चर्चेत आहे. प्राजक्तानं नुकत्याच दिलेल्या मुलाखतीत तिच्या लग्नाविषयी मोठा खुलासा केला आहे.
सध्या प्राजक्ताच्या लग्नाची सातत्याने चर्चा सुरू आहे. प्राजक्ताने नुकतीच ‘प्लॅनेट मराठी’वरील ‘पटलं तर घ्या’ या कार्यक्रमात हजेरी लावली. या कार्यक्रमातील एक व्हिडीओ सध्या सोशल मीडियावर व्हायरल होत आहे. या कार्यक्रमात देखील तिला तिच्या लग्नाबद्दल विचारण्यात आले. त्यावेळी प्राजक्ताने स्पष्टपणे उत्तर दिले. ‘तू पुढच्या वर्षी लग्न करते आहेस’, अशी चर्चा सध्या रंगली आहे, असे सूत्रसंचालिकेने प्राजक्ताला सांगितले.
त्यावर प्राजक्ताने अरे “हे दरवर्षी म्हटलं जातं. २०१८ पासून माझ्या लग्नाची चर्चा सुरू आहे. पण अर्ध्याहून अधिक महाराष्ट्राची अशी इच्छा आहे की मी लग्न करु नये, असेही ती गंमतीत म्हणते. “काहींना वाटतंय मी लग्न करावं, काहींना वाटतंय मी करु नये. मी लग्न करू नये असं ज्यांना वाटतंय त्यांच्यामुळे माझं लग्न रखडतंय, असं प्राजक्ता सांगते. त्या मुलांना भेटल्याशिवाय माझं लग्न होऊ नये अशी त्यांची इच्छा आहे, असे प्राजक्ता माळी म्हणाली.
यावेळी प्राजक्ताला तिच्या खासगी आयुष्यापासून सगळ्या गोष्टींवर प्रश्न विचारण्यात आले. प्राजक्ता तिच्या लग्नाच्या बातम्यांविषयी बोलली आहे. प्राजक्ता म्हणते, ‘काही प्रेक्षकांची इच्छा आहे की, मी लवकरात लवकर लग्न करावं, तर काही प्रेक्षकांची इच्छा आहे की मी लग्न करू नये. त्यामुळे माझ लग्न रखडलंय.’ हे ऐकताच प्राजक्ताची मैत्रीण अभिनेत्री ऋतुजा बागवे म्हणाली, ‘तुला कुठे महाराष्ट्रीयन मुलगा हवाय, तुला कोण हवंय ते सांग ना.’ त्यावर प्राजक्ता म्हणते, की मला दाक्षिणात्य कलाकार खूप आवडतात. ते माझे क्रश आहेत. पण कोणीही असलं ना, तरी शेवटी आपण त्याला मराठीच बनवायचं, असा ठाम निश्चय ती व्यक्त करते.
प्राजक्ताच्या या वक्तव्यानंतर तिला अमराठी मुलाशी लग्न करायचं असल्याच्या चर्चा रंगल्या आहेत. पण तिने या मुलाखतीत कुठेही असं स्पष्ट केलेले नाही. प्राजक्ता माळीने काही वर्षांपूर्वी दिलेल्या एका मुलाखतीत मी लग्नासाठी तयार असल्याचे सांगितले होते.
https://twitter.com/PlanetMOTT/status/1629069224147841025?s=20
Marathi Actress Prajakta Mali on Her Wedding
