इंडिया दर्पण ऑनलाईन डेस्क
मुंबईतील कलिना विभागातून निवडून आलेला मनसेचा एकमेव माजी नगरसेवक संजय तुर्डे यांनी मनसेला रामराम ठोकत शिंदेच्या शिवसेनेत जाण्याचा निर्णय घेतला आहे. त्यांच्याबरोबर मनसेचे पदाधिकारी सुध्दा शिंदे गटात प्रवेश घेणार आहे. मनसे – शिवसेना (ठाकरे गट) युतीची चर्चा सुरु असतांना एकनाथ शिंदे यांनी मोठा धक्का दिला आहे.
गेल्या मुंबई महानगरपालिकेच्या निवडणुकीत मनसेचे सात नगरसेवक निवडणून आले होते. त्यापैकी सहा नगरसेवकांनी शिवसेनेत प्रवेश घेतला. मात्र संजय तुर्डे हे मनसेत राहिले. त्यामुळे ते मुंबईतील एकमेव नगरसेवक होते.
मनसेचे शिवसेनेत गेलेले ६ नगरसेवकांपैकी ४ नगरसेवकांनी शिंदे गटात अगोदरच प्रवेश केला आहे. तर दोन नगरसेवक अजूनही ठाकरे गटात आहे.
