मुंबई – जगभरात कोरोनाची नागरिकांची इतकी भीती निर्माण झाली आहे की त्यामुळे नागरिक काय करतील याचा भरोसा नाही. न्यूझीलंडमध्ये एका व्यक्तीने भयभीत होऊन एकाच दिवसात कोरोना लशीचे तब्बल दहा डोस घेतल्याचा प्रकार उघडकीस आला आहे. याप्रकरणी आता आरोग्य मंत्रालयाने चौकशीचे दिले आहेत.
यासंदर्भात अहवालात दावा केला जात आहे की, हा तरुण लस घेण्यासाठी वेगवेगळ्या लसीकरण केंद्रांवर गेला होता. लशीचे डोस घेण्यासाठी पैसेही दिले. सध्या न्यूझीलंडमध्ये कोरोना विषाणूच्या डेल्टा प्रकाराने मोठा संसर्ग निर्माण झाला आहे. त्यामुळे सरकारने साडेतीन महिन्यांचा लॉकडाऊन लागू केला आहे.
पंतप्रधान आर्डेन म्हणाले की, देशात डेल्टाचा प्रभाव वाढत असून नागरिकांनी योग्य ती खबरदारी घ्यावी. प्रशासनाने गेल्या महिन्यात नाईट क्लब, कॅफे आणि सिनेमागृहे उघडली. ऑकलंडमध्ये मास्क अनिवार्य करण्यात आले होते. तसेच केवळ काही ठराविक मेळाव्यास परवानगी होती. आरोग्य अधिकार्‍यांनी बार आणि नाईट क्लबमध्ये जाण्यासाठी लस प्रमाणपत्र अनिवार्य केले आहे.
पंतप्रधान पुढे म्हणाले की, जगातील कोणताही देश डेल्टाशी पूर्णपणे लढण्यास सक्षम नाही. येथे ८३ टक्के प्रौढ लोकांचे लसीकरण करण्यात आले आहे. तसेच डेल्टाचा संसर्ग वाढत आहे. तेव्हा ऑकलंड मध्ये या प्रकाराची १५० प्रकरणे आढळून आली. मात्र, असे असतानाही येथील प्रशासनाने लशीकरणाचे कार्यक्रम पाहता बरीच सवलत दिली होती. गेल्या वर्षी जेव्हा साथीचा रोग सुरू झाला तेव्हा न्यूझीलंड हा एकमेव देश होता जिथे मृत्यूदर कमी होता.
