मालेगाव (इंडिया दर्पण वृत्तसेवा) – येथील संविधान नगर भागात तरुणावर थेट चॉपरने हल्ला करण्यात आल्याची घटना घडली आहे. अचानक झालेल्या या हल्ल्यामुळे शहरात एकच खळबळ उडाली आहे. मारहाणीचा हा थरार सीसीटीव्हीमध्ये कैद झाला आहे. या घटनेत सुमित तरवटे हा २५ वर्षीय तरुण गंभीर जखमी झाला आहे. टिपू सुलतानचे स्टेस्ट्स का ठेवले याचा जाब विचारल्याच्या रागातून सुमितवर हा हल्ला करण्यात आल्याचे सांगण्यात येत आहे.
हल्ल्यात जखमी झालेल्या तरवटे याला रुग्णालयात दाखल केले असून त्याच्यावर उपचार सुरू आहे. सुमित हा दही आणण्यासाठी डेअरीवर आला. त्याचवेळी काही तरुण दुचाकीवरून तेथे आले. डेअरी बाहेर लावलेल्या सुमितच्या दुचाकीला या तरुणांनी जोरदार धडक दिली. याद्वारे त्यांनी सुमितला जमिनीवर पाडले. त्यानंतर त्याच्यावर चॉपरने जोरदार हल्ला करण्यात आला. या हल्ल्यामुळे सुमित हा रक्तबंबाळ झाला. ही बाब लक्षात घेऊन परिसरातील नागरिकांनी सुमितला हॉस्पिटलमध्ये दाखल केले. सध्या त्याच्यावर उपचार सुरू आहेत.
दरम्यान, सुमित हल्ल्याच्या निषेध करून हल्लेखोरांवर कठोर कारवाई करण्याची मागणी लाडशाखीय वाणी समाजाच्यावतीने करण्यात आली आहे. मालेगावमध्ये गेल्या काही दिवसापासून गुन्हेगारीचे प्रमाण वाढले आहे. त्यातून अशा घटना घडत आहे.
Chopper attack on youth in Malegaon, horror caught on CCTV…
Malegaon Crime Youth Attack Chopper Police
