गेल्या काही वर्षात जगभरात मधुमेह, हृदयविकार आणि कर्करोग यातील भयंकर आजारांनी मोठ्या लोकसंख्याला ग्रासले आहे. त्यातच जगभरात मधुमेहाच्या रुग्णांची संख्या सतत वाढत आहे आणि याचे सर्वात मोठे कारण म्हणजे लोकांची ताणतणावाची जीवनशैली आणि अयोग्य आहार होय. मधुमेह हा आजार एखाद्याला व्यक्तीला झाला तर तो त्याला आयुष्यभर त्रास देतो. मधुमेहामधील सर्वात मोठी समस्या म्हणजे रक्तातील साखरेची पातळी नियंत्रित करणे होय. आजच्या काळात अनेक लोक धावपळीची आणि ताणतणावाची जीवनशैली आणि आहार याचा अवलंब करत आहेत, त्यामुळे साखरेची पातळी वाढण्याचा धोका नेहमीच असतो.
मधुमेहाच्या रुग्णांना त्यांच्या आहाराची विशेष काळजी घेण्याचा आणि गोड पदार्थ न घेण्याचा सल्ला दिला जातो, कारण यामुळे साखरेची पातळी वाढू शकते. रक्तातील साखरेची पातळी नियंत्रित करण्यासाठी लसूण फायदेशीर ठरू शकतो, असे मत मधुमेह व उच्च रक्तदाब तज्ज्ञ आणि सिग्नस हॉस्पिटलमधील आरोग्य सल्लागार डॉ. अंबिका प्रसाद यादव यांनी व्यक्त केले आहे.
मधुमेहामध्ये लसूण फायदेशीर : रक्तातील साखरेची पातळी नियंत्रित करण्यासाठी लसूण खूप उपयुक्त असल्याचे तज्ज्ञांचे म्हणणे आहे. लसणामध्ये असलेले अमीनो आम्ल होमोसिस्टीनचे प्रमाण कमी करण्यासाठी प्रभावी आहे, ते रक्तातील साखरेची पातळी नियंत्रित करण्यास मदत करते.
आहारात असा वापरा करा : रक्तातील साखरेची पातळी नियंत्रणात ठेवण्यासाठी आपण रिकाम्या पोटी लसणाचे सेवन करू शकता. याशिवाय लसूण हा भाजल्यानंतरही खाऊ शकता. यासाठी कढईत थोडे मोहरीचे तेल घाला आणि ते गरम झाल्यावर त्यात लसणाच्या पाकळ्या टाका आणि चांगले तळून घ्या. आता त्यात थोडे काळे मीठ घालून खा, म्हणजे खूप फायदेशीर ठरेल.
सांधेदुखीमध्येही लसूण उपयुक्त : लसणामध्ये असलेले अँटी-ऑक्सिडंट आणि दाहक-विरोधी गुणधर्म संधिवात झाल्यामुळे सूज आणि वेदना कमी करण्यास मदत करतात. त्यामुळे लसूण आपल्या नियमित आहारात समाविष्ट करू शकता, परंतु त्या आधी आपण प्रथम आपल्या डॉक्टरांचा सल्ला घेणे महत्वाचे आहे.
लसूण रोग प्रतिकारशक्ती वाढते : लसूणमध्ये व्हिटॅमिन सी आणि बी 6, आणि मॅंगनीजमध्ये समृद्ध आहे. ही सर्व जीवनसत्त्वे आणि खनिजे रोग प्रतिकारशक्ती वाढवण्यास मदत करतात. तज्ञांचे म्हणणे आहे की लसणीमध्ये अँटी-ऑक्सिडंट आणि अँटी-बायोटिक गुणधर्म असतात, जे शरीराची रोगांशी लढण्याची क्षमता मजबूत करतात.
