नाशिक – अल्पवयीन मुलीवर बलात्कार करणा-या बापास जिल्हा व सत्र न्यायालयाच्या न्या.श्रीमती एम.व्ही भाटीया यांनी जन्मठेपेची शिक्षा सुनावली आहे. राजू अहिरे (४०) असे बापाचे नाव आहे. गेल्या वर्षी ९ एप्रिल २०२१ रोजी फुलेनगर भागात ही घटना घडली होती. बापाने घरात कुणी नसल्याची संधी साधत आपल्या पोटच्या मुलीवर बलात्कार केला होता. आपल्या मुलीस ओरडली तर बघ अशी धमकी देत त्याने हे कृत्य केले होते. याप्रकरणी पंचवटी पोलिस ठाण्यात बलात्कार, पोक्सो आणि विविध कलमान्वये गुन्हा दाखल करण्यात आला होता. या गुह्याचा तपास तत्कालीन उपनिरीक्षक धनश्री पाटील यांनी केला. या गुह्यात आरोपीस अटक करू न त्यांनी सबळ पुराव्यानिशी दोषारोपपत्र न्यायालयात दाखल केले होते. या खटल्याचे कामकाज सरकारी वकिल अ‍ॅड.रेवती कोतवाल यांनी पाहिले. न्यायालयाने बालकांचे लैंगिक अपराधापासून संरक्षण कायदा २०१२ चे कलम ५ आणि ६ मध्ये आरोपीस जन्मठेप आणि वेगवेगळया कलमान्वये ५० हजार रूपयांचा दंड ठोठावला.
