लासलगाव – लासलगाव ,कोटमगाव येथील भागरीबाबा नगर येथील राहिवाश्यांसाठी शेतीपंपाच्या डीपी.वरून घरगुती कनेक्शन देण्यात आले होते .परंतु नुकत्याच झालेल्या वादळी वारा व पाऊसामुळे त्या डीपी. मध्ये बिघाड झाला त्यामुळे भगरीबाबा नगर येथील सर्व रहिवाश्यांना अंधारात राहण्याची वेळ आली होती.
याबाबत महावितरण कंपनीकडे तक्रार करूनही वीस दिवस उलटून गेले असता वीज वितरण कंपनीतील कोणत्याही अधिकारी किंवा कर्मचाऱ्यांनी याची कोणतीही दखल घेतली नाही. तसेच वीजपुरवठा सुरळीत करण्यासाठी कोणतीही कार्यवाही केली नाही. सध्या पावसाळ्याचे दिवस असल्याने भागरीबाबा नगर येथील राहिवाश्यांना तसेच घरातील वयोवृद्ध व लहान मुलांना रात्रीच्या अंधाराचा त्रास सहन करावा लागत आहे.
त्यामुळे भगरीबाबा नगर येथील राहिवाश्यांनी जि. प .सदस्य डी. के.नाना जगताप यांना भेटून नगरातील राहिवाश्यांसाठी स्वतंत्र्य सिंगल फेज डीपी.मंजूर करावी तसेच घरगुती विज कनेक्शन बाबतच्या सर्व अडचणी दूर करण्यात यावी अशी विनंती केली. डी.के.नाना यांनी रहिवाश्यांची होणारी गैरसोय लक्षात घेता खासदार डॅा. भारती पवार यांच्याशी संपर्क करून व पाठपुरवठा करून सदर वीज पुरवठा लवकर सुरळीत करण्यात यावा अशी मागणी केली. तसेच महावितरण कंपनीचे सहाय्यक अभियंता सोनवणे यांच्याशी संपर्क करून राहिवाश्यांचे हाल व परिस्थिती लक्षात घेता लवकरात लवकर विज पुरवठा सुरळीत करावा अशी मागणी केली होती.
डी.के नाना यांनी या गोष्टीत केलेल्या वारंवार पाठ पूरवठयामुळे १६ जून रोजी तब्बल वीस दिवसानंतर भगरीबाबा नगर येथील विज पुरवठा सुरळीत करण्यात आला आहे…तसेच त्या नगरसाठी स्वतंत्र ट्रान्सफॉर्मर डी पी टी सी निधीतून देण्याचे आश्वासन दिले आहे. त्यावेळी कृ उ बा स,लासलगाव च्या सभापती सुवर्णा जगताप,कोटमगाव चे सरपंच तुकाराम गांगुर्डे, कनिष्ठ अभियंत धनविज, रवींद्र जाधव,रोहित पठारे, मनोज शिंदे,दिपक डगळे, रामदास मालुंजकर, रणधीर मोरे व नगरचे रहिवासी उपस्थित होते.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
