लासलगाव (इंडिया दर्पण वृत्तसेवा) – लासलगाव पोलीस ठाणे हददीत ट्रकमधून डिझेल चोरी करणा-या तीन जणांच्या टोळीला पोलिसांनी गजाआड केले असून एक जण फरार आहे. या चोरट्यांकडून पोलिसांनी स्कोडा चारचाकी गाडीसह ३ लाख ९ हजार ३५० रुपयाचा मुददेमाल जप्त केला आहे. या तीन्ही आरोपींना न्यायालयात उभे केले असता त्यांना ६ एप्रिल पर्यंत पोलिस कोठडी देण्यात आली आहे.
लासलगाव पोलीस ठाणे हददीत पोउनि अजिनाथ कोठाळे, पोना संजय देशमुख पोकॉ कैलास मानकर हे गस्त घालत असतांना विंचुर परीसरात एक स्कोडा गाडी संशियत फिरतांना माहिती मिळाली होती. सदर गाडीचा शोध घेऊन पोलिसांनी पाठलाग करुन ही गाडी पकडली. या गाडी मध्ये तीन संशियत होते व गाडीमध्ये डिझेल असलेले ड्रम मिळून आले.
त्यानंतर या सर्वांची विचारपुस केल्यानंतर त्यांनी पहिले उडवाउडवीचे उत्तरे दिले त्यानंतर त्यांनी डिझेल चोरीची कबूली दिली. अजय मिथुन शिंदे (२०) रा बरडवस्ती उगांवरोड, निफाड, शिवाजी सदाशिव मालखेडे (२०) यशवंत सदाशिव मालखेडे (१९) दोन्ही रा दहावा मैल, गार्डन जवळ ओझर ता निफाड ही आरोपींची नावे आहे. यातील सौरभ राजेंद्र अहिरे. रा.पर्णकुटी आनंदनगर. निफाड हा फरार आहे. याच्या मदतीने ही डिझेल चोरी हे तीन्ही जण करत होते.
