नवी दिल्ली – सध्या लग्नाचा मोसम सुरू आहे. देशभरात अनेक सेलिब्रिटींचे विवाह सोहळे होत आहेत. अनेक मोठ्या नेत्यांच्या आणि सेलिब्रिटींच्या घरी शहनाई वाजत आहे. बॉलिवुड सेलिब्रिटी विकी कौशल आणि कतरिना कैफने राजस्थानमध्ये सात फेरे घेतले. त्याचवेळी बिहारचे माजी मुख्यमंत्री लालू प्रसाद यादव यांचे पुत्र तेजस्वी यादव यांनीही लग्नगाठ बांधली आहे. टीव्हीवरील सर्वात प्रसिद्ध शो ‘तारक मेहता का उल्टा चष्मा’मधील कलाकार जेठालाल अर्थात दिलीप जोशी यांच्या घरीही लग्न समारंभ होता. त्यांची कन्या नियती हिचा विवाह मोठ्या थाटामाटत संपन्न झाला आहे. आपली कन्या आणि जावई यांचा लग्नातील फोटो जोशी यांनीच इन्स्टाग्रामवर शेअर केले आहेत.
(बघा खालील फोटोज)
विवाह सोहळ्याला तारक मेहता का उल्टा चष्मा या शोची संपूर्ण टीम उपस्थित होती. तसेच, मनोरंजन सह विविध क्षेत्रातील मान्यवरांनी मोठ्या संख्येने हजेरी लावली. सर्वांनी कन्येला मनापासून आशिर्वाद दिले, हेच माझ्यासाठी अत्यंत मोलाचे आहे, असे दिलीप जोशी यांनी म्हटले आहे.
विवाह पूर्वीच्या समारंभात दिलीप यांनी ठेका धरला होता. या जबरदस्त डान्सचा व्हिडिओही सध्या सोशल मीडियावर प्रचंड व्हायरल झाला होता. अभिनेता दिलीप जोशी यांची मुलगी नियती जोशी हिच्या लग्नाचा हा व्हिडिओ आहे. त्यामध्ये जेठालाल जबरदस्त नाचताना दिसत आहेत. हा व्हिडिओ दिलीप जोशी यांच्या फॅन क्लबने इन्स्टाग्रामवर शेअर केला आहे. या व्हिडिओला हजारो व्ह्यूज आणि लाईक्स मिळत आहेत. तसेच यावर चाहत्यांच्या उत्स्फूर्त प्रतिक्रियाही येत आहेत.
https://www.instagram.com/tv/CXSf0F6KHfg/?utm_source=ig_web_copy_link
दिलीप जोशी यांनी निळ्या रंगाचा कुर्ता परिधान केलेले व्हिडिओत दिसत आहेत. रात्रीच्या वेळी झालेल्या संगीत कार्यक्रमाचा हा व्हिडिओ आहे. त्यामध्ये पाहुण्यांनी कार्यक्रमात दांडिया आणि गरबा खेळला. कन्येच्या विवाह सोहळ्याला तारक मेहता शोच्या संपूर्ण टीमला आमंत्रित करण्यात आले होते. सर्वांनीच समारंभात धम्माल केली आहे.
