मुकुंद बाविस्कर, मुंबई
आपल्या मुलांचे भविष्य चांगले घडावे म्हणून प्रत्येक पालक प्रयत्न करत असतो. त्याच्या शिक्षणासाठी आर्थिक आर्थिक तरतूद करण्याची धडपड पालक करत असतात. यासाठी मुलाच्या भविष्यात आर्थिक सक्षमता असावी म्हणून पालकांकडून गुंतवणूक करण्यात येते. ही गुंतवणूक नेमकी कशात करावी ? हे जाणून घेणे महत्त्वाचे ठरते.
मुलांचे आर्थिक भविष्य सुरक्षित करण्यासाठी पालकांनी लवकर बचत करायला सुरुवात केली पाहिजे. कारण दिवसेंदिवस वाढणारी महागाई आणि शिक्षणाचा वाढता खर्च लक्षात घेता, केवळ बचत करून चालणार नाही, तर चांगला परतावा देणाऱ्या योजनांमध्ये तुमचा पैसा गुंतवावा, हे लक्षात घेणे महत्त्वाचे आहे.
सध्या केवळ बँक खात्यांमध्ये पैसे जमा करून हे उद्दिष्ट पूर्ण होऊ शकत नाही, असे काही गुंतवणूक सल्लागारांचे मत आहे. मुलांचे आर्थिक भविष्य सुरक्षित करण्यासाठी पालकांनी योग्य गुंतवणुकीचे पर्याय निवडले पाहिजेत. गुंतवणुकीचे पर्याय निवडताना महागाईचा दरही विचारात घेतला पाहिजे. म्हणून, अशा योजनांमध्ये गुंतवणूक केली पाहिजे, ज्या महागाई दरापेक्षा म्हणजे सुमारे ६ टक्के जास्त परतावा देतात. यामुळे आवश्यक निधी किंवा बचत रक्कम जमा होण्यास मदत होईल.
सुकन्या समृद्धी योजना
सदर योजना खास मुलींसाठी आहे. एज्युकेशन फंडाव्यतिरिक्त, परदेशात शिक्षण घेण्यासारख्या मोठ्या खर्चासाठी पैशांची गरज नसली तरीही आपण त्यात गुंतवणूक करू शकता. सरकारच्या या बचत योजनेशी जोडलेले पैसे मुलीच्या लग्नासाठी देखील वापरले जाऊ शकतात. याचा परिपक्वता कालावधी जास्त असला तरी, तो PPF पेक्षा निश्चितच जास्त परतावा देतो.
इक्विटी म्युच्युअल फंड
सध्या शिक्षणाचा खर्च दरवर्षी सरासरी १० टक्क्यांपेक्षा जास्त दराने वाढत आहे. त्यामुळे अशा फंडांमध्ये गुंतवणूक करणे आवश्यक आहे, कारण इक्विटी म्युच्युअल फंड योजना चांगला परतावा देऊ शकतात, ज्या मुलाच्या शिक्षणासाठी आवश्यक निधी गोळा करण्यात महत्त्वाची भूमिका बजावू शकतात. यासाठी, आपण इक्विटी फंडांमध्ये एसआयपीमध्ये पैसे गुंतवू शकता. डेट फंड हा गुंतवणुकीचा एक चांगला पर्याय देखील असू शकतो. यामध्ये तुम्हाला बँक एफडीपेक्षा जास्त परतावा मिळू शकतो.
आंतरराष्ट्रीय फंड
जर तुम्हाला मुलांना परदेशात शिक्षण द्यायचे असेल तर आपण या दोन्ही आंतरराष्ट्रीय फंडांमध्ये गुंतवणूक करू शकता. डॉलरमध्ये ते रुपांतरीत केले जातात. म्हणजे तुमची गुंतवणूक आणि परतावा थेट डॉलर मार्केटमध्ये असेल. यामुळे चलन विनिमयावरील तोटा कमी होईल आणि कोणीही ते कोणत्याही अडचणीशिवाय परदेशात खर्च करू शकेल.
निश्चित परिपक्वता योजना
तीन वर्षे किंवा त्यापेक्षा कमी कालावधीसाठी गुंतवणूक करायची असल्यास फिक्स्ड मॅच्युरिटी हे चांगले साधन असू शकते. ते FMP म्हणून ओळखले जाते. हे कर्जरोखे आहेत. यामध्ये केवळ कमी जोखीम नाही तर एफडीपेक्षा जास्त परतावाही मिळतो.
पब्लिक प्रॉव्हिडंट फंड (PPF)
हा एक कर-बचत गुंतवणूक पर्याय आहे. यामध्ये १५ वर्षांचा लॉक-इन कालावधी असतो, जो दीर्घ कालावधीसाठी मोठा निधी तयार करण्यात मदत करतो. PPF वर ७.१ टक्के व्याज उपलब्ध आहे.
संमिश्र प्रकार
कोणत्याही योजनेत गुंतवणूक करण्यापूर्वी उत्पादनाची संपूर्ण माहिती गोळा करा. तसेच हे उत्पादन महागाईवर कसे मात करू शकते ते शोधा. शिक्षणाशी संबंधित महागाई १० टक्क्यांपेक्षा जास्त दराने वाढत आहे. अशा परिस्थितीत हायब्रीड किंवा इक्विटी फंडात पैसे गुंतवा. दीर्घकालीन इक्विटी म्युच्युअल फंड, हायब्रिड म्युच्युअल फंड. सोना, सुकन्या समृद्धी, पीपीएफ यांचे संमिश्र प्रकार आपण वापरू शकता. एका उत्पादनात एकरकमी पैसे गुंतवू नका, असे गुंतवणूक तज्ज्ञ सांगतात.
