इंडिया दर्पण ऑनलाईन डेस्क – भारतीय क्रिकेट संघ अजूनही यंदाच्या हंगामात म्हणजे 2022 मध्ये पहिला विजय मिळवण्याच्या शोधात आहे. दक्षिण आफ्रिका दौऱ्यावर संघाने कसोटीनंतर एकदिवसीय मालिकाही गमावली आहे. रोहित शर्माच्या अनुपस्थितीत केएल राहुलकडे एकदिवसीय मालिकेत संघाची धुरा रोपवली आहे. पण राहुल संघाला एकही विजय मिळवून देऊ शकला नाही आणि त्याच्या नेतृत्वाखाली भारताला क्लीन स्वीपला सामोरे जावे लागले.
एकदिवसीय मालिकेत भारताच्या पराभवानंतर राहुलने सोशल मीडियावर एक भावूक पोस्ट लिहिली आहे. या पोस्टवर त्याची गर्लफ्रेंड अथिया शेट्टीनेही हृदय पिळवटून टाकणारी टिप्पणी केली आहे. राहुल हा पहिला भारतीय कर्णधार ठरला ज्याच्या नेतृत्वाखाली संघाला मालिकेतील तीनही एकदिवसीय सामन्यांमध्ये पराभवाला सामोरे जावे लागले.
राहुलने सोशल मीडियावर टीममेट्ससोबतचा एक फोटो शेअर केला आणि त्यासोबत त्याने कॅप्शनमध्ये लिहिले की, ‘खडतर प्रवास चांगले आणि मजबूत होण्यास मदत करतात. परिणाम आपल्या बाजूने लागले नसतील, परंतु आपण आपल्या चुकांमधून शिकू. देशाचे नेतृत्व करणे हा माझ्यासाठी अत्यंत सन्मानाचा आणि अभिमानाचा क्षण होता जो मी शब्दात वर्णन करू शकत नाही. काम कधीही थांबत नाही, कारण आपण चांगले होण्यावर लक्ष केंद्रित करतो आणि कधीही हार मानत नाही. तुमच्या पाठिंब्याबद्दल सर्वांचे आभार.’
राहुलच्या या पोस्टवर अनेक यूजर्सनी कमेंट करत त्याला सपोर्ट केला आहे. या यूजर्समध्ये त्याची गर्लफ्रेंड अथिया शेट्टीचाही समावेश आहे. त्याच्याशिवाय सहकारी श्रेयस अय्यर आणि संजू सॅमसन यांनीही या पोस्टवर कमेंट केली आहे. बॉलिवूड अभिनेत्री अथिया शेट्टीनेही राहुलच्या पोस्टवर कमेंट करत हार्ट इमोजी शेअर केला आहे. अथियाच्या कमेंटला आतापर्यंत हजारो लाईक्स मिळाले आहेत.
राहुलने कर्णधार म्हणून चांगली कामगिरी केली नाही. याशिवाय तो स्वत:ही जास्त धावा करू शकला नाही. पार्लच्या बोलंड पार्क येथे खेळल्या गेलेल्या पहिल्या एकदिवसीय सामन्यात त्याच्या बॅटने फक्त 12 धावा केल्या ,तर दुसऱ्या एकदिवसीय सामन्यात त्याने 55 धावांचे पन्नास डाव खेळले. याशिवाय तिसऱ्या वनडेत त्याला केवळ 9 धावा करता आल्या.
