नाशिक (इंडिया दर्पण वृत्तसेवा) – मनमाडमध्ये सुसाट कारने दिलेल्या धडकेत गणेश मुर्ती घेण्यासाठी आलेल्या तीन वर्षाच्या चिमुकलीसह ५ ते ६ गणेश भक्त जखमी झाले. या अपघातात रिक्षासह ४ ते ५ दुचाकींचेही नुकसान झाले आहे. एकीकडे गणेशोत्सवाचा सर्वत्र उत्साह असतांना हा अपघात झाला.
मनमाडला नांदगाव रोडवरील गणेश मुर्ती विक्री केंद्रावर समोर दुपारच्या सुमारास हा भीषण अपघात झाला. कार चालक नांदगाव शहराचा असून गणेश मुर्ती घेऊन नांदगावकडे जात असताना नियंत्रण सुटल्याने हा अपघात झाला.
या अपघातानंतर कार चालकाला पोलिसांनी ताब्यात घेतले असून जखमींवर मनमाड व मालेगाव येथील खासगी रुग्णालयात उपचार सुरू आहे. गर्दीच्या ठिकाणी कार सुसाट चालवल्यामुळे अशा घटना घडत असतात.
car accident
