नाशिक (इंडिया दर्पण वृत्तसेवा) – लॅमरोड भागात रस्त्याने पायी जाणा-या महिलेची वाट अडवित एकाने शिवीगाळ करीत विनयभंग केल्याची घटना घडली. याप्रकरणी देवळाली कॅम्प पोलिस ठाण्यात विनयभंगासह विविध कलमान्वये गुन्हा दाखल करण्यात आला आहे.
विजय रतन गायकवाड (रा.एकता ग्रीन व्हॅली सोसा.पाथर्डीफाटा) असे संशयिताचे नाव आहे. पीडिता आणि संशयित एकमेकांचे परिचीत आहेत. पीडितेने दिलेल्या तक्रारीनुसार रविवारी (दि.१७) ती लॅमरोड येथील नक्षत्र सोसायटी समोरून जात असतांना संशयिताने तिची वाट अडवित अश्लिल शिवीगाळ केली. तसेच यावेळी तिचा विनयभंग केला. अधिक तपास उपनिरीक्षक लियाकत खान पठाण करीत आहेत.
२४ वर्षीय तरूणाची आत्महत्या
नाशिक (इंडिया दर्पण वृत्तसेवा) – २४ वर्षीय तरूणाने आपल्या घरात कुणी नसतांना गळफास लावून घेत आत्महत्या केल्याची घटना कामटवाडा भागात घडली. जयदिप सुनिल आहिरे (रा.सुमंगल सोसा.वृदांवननगर) असे मृत युवकाचे नाव आहे. सुनिल याच्या आत्महत्येचे कारण समजू शकले नाही. याप्रकरणी अंबड पोलिस ठाण्यात मृत्यूची नोंद करण्यात आली आहे.
जयदिप आहिरे याने सोमवारी (दि.१८) आपले आई वडिल कामावर गेलेले असतांना अज्ञात कारणातून भिंतीच्या लोखंडी हुकाला साडी बांधून गळफास लावून घेतला होता. त्यात त्याचा मृत्यू झाला. याबाबत शेजारी अभिजीत कुमावत यांनी दिलेल्या खबरीवरून पोलिस दप्तरी मृत्यूची नोंद करण्यात आली असून अधिक तपास हवालदार टोपले करीत आहेत.
Nashik City Crime Police Theft dacoity murder suicide fight beaten
