लग्नाचे आमिष दाखवून तरूणीवर बलात्कार…..नगरसेवकपुत्रावर गुन्हा दाखल

नाशिक (इंडिया दर्पण वृत्तसेवा) – लग्नाचे आमिष दाखवून तरूणीवर बलात्कार केल्याप्रकरणी नगरसेवकपुत्रावर इंदिरानगर पोलिस ठाण्यात बलात्काराचा गुन्हा दाखल करण्यात आला आहे. पोलिसांनी दिलेल्या माहितीनुसार संदिप भगवान दोंदे (रा.पाथर्डी गाव) असे संशयिताचे नाव आहे. युवती गर्भवती राहिल्याने हा प्रकार समोर आला.

याप्रकरणी परिसरातील २८ वर्षीय पीडित तरूणीने तक्रार दाखल केली आहे. पीडिता व संशयित एकमेकांचे परिचीत असून, लग्नाचे आमिष दाखवून संशयिताने हे कृत्य केले आहे. ओळखीचा फायदा उचलत नगरसेवक पुत्र असलेल्या संशयिताने मुलीस लग्नाचे आमिष दाखवून परिसरातील एका इमारतीतील फ्लॅटमध्ये घेवून जात वारंवार बलात्कार केल्याचे तक्रारीत म्हटले आहे.

१० जानेवारी ते २० ऑक्टोबर दरम्यान हा प्रकार सुरू राहिल्याने युवती गर्भवती राहिली. त्यामुळे भेदरलेल्या मुलीने लग्नाचा आग्रह धरला असता संशयिताने लग्नास नकार देवून दमदाटी केल्याने हा प्रकार पोलिसात पोहचला आहे. इंदिरानगर पोलिस पसार झालेल्या संशयिताचा शोध घेत असून अधिक तपास उपनिरीक्षक मनिषा शिंदे करीत आहेत.
Nashik City Crime Police Theft dacoity murder suicide fight beaten