नाशिक (इंडिया दर्पण वृत्तसेवा) – इंदिरानगर भागात रस्त्यावर लावलेला सुमारे ५५ हजार रूपये किमतीचा लोखंडी खांब चोरट्यांनी चोरून नेल्याचा प्रकार घडला. याप्रकरणी पोलिसांनी चोरीचा गुन्हा दाखल केला आहे.
राजकुमार विजयकुमार (रा.खंडेरावनगर,पाथर्डी गाव) यांनी याप्रकरणी तक्रार दाखल केली आहे. हा प्रकार इंदिरानगर येथील रेश्मावाईन दुकान परिसरात घडला. रोडचे कडेला लावलेला सुमारे ५५ हजार रूपये किमतीचा अ‍ॅल्युमिनीयम कोटींग लोखंडी पोल चोरट्यांनी चोरून नेला. ही घटना गेल्या सोमवारी घडली. अधिक तपास उपनिरीक्षक सोनवणे करीत आहेत.
……..
आत्महत्येचे सत्र सुरूच: वेगवेगळया भागात राहणा-या दोघांची आत्महत्या
नाशिक (इंडिया दर्पण वृत्तसेवा) – शहर व परिसरात वेगवेगळया भागात राहणा-या दोघांनी शुक्रवारी आत्महत्या केली. त्यात एकाने गळफास घेऊन तर दुस-याने विषारी औषध सेवन करून आपले जीवन संपविले. दोघांच्याही आत्महत्येचे कारण समजू शकले नाही. याप्रकरणी म्हसरूळ आणि मुंबईनाका पोलिस ठाण्यात मृत्यूच्या नोंदी करण्यात आल्या आहेत.
पहिली घटना वडाळारोड भागात घडली. शब्बीरखान शमशु खान (३९ रा.सिल्वर प्लाझा,जेएमसीटी कॉलेज समोर) यांनी शुक्रवारी अज्ञात कारणातून आपल्या राहत्या घरात विषारी औषध सेवन केले होते. ही बाब निदर्शनास येताच पत्नी रूक्साना खान यांनी त्यांना तात्काळ जिल्हा रूग्णालयात दाखल केले असता उपचार सुरू असतांना वैद्यकीय सुत्रांनी त्यांना मृत घोषीत केले. अधिक तपास हवालदार देविदास गाढवे करीत आहेत.
दुसरी घटना पेठरोडवर घडली. येथील सुनिल चंद्रभान अहिरे (४५ रा.शिव पॅलेस हॉलमागे,आरटीओ पेठरोड) यांनी शुक्रवारी अज्ञात कारणातून आपल्या राहत्या घरातील बेडरूममध्ये पंख्यास साडी बांधून गळफास लावून घेतला होता. मुलगी मानसी अहिरे हिने त्यांना तात्काळ जिल्हा रूग्णालयात दाखल केले असता वैद्यकीय सुत्रानी मृत घोषीत केले. अधिक तपास हवालदार सोनवणे करीत आहेत.
Nashik City Crime Police Theft dacoity murder suicide fight beaten
