नाशिक (इंडिया दर्पण वृत्तसेवा) – शहरात वेगवेगळया भागातून तीन मोटारसायकली चोरीला गेल्या आहे. याप्रकरणी मुंबईनाका,सातपूर व नाशिकरोड पोलिस ठाण्यात गुन्हे दाखल करण्यात आले आहेत.
पहिली घटना शिंदे ता.जि.नाशिक येथे घडली. यश महेश सोनवणे (रा.नायगावरोड फाटा शिंदेगाव) यांनी याप्रकरणी तक्रार दाखल केली आहे. सोनवणे यांची अ‍ॅक्टीव्हा एमएच १५ जीएन ६८२३ बुधवारी रात्री त्यांच्या घरासमोर पार्क केलेली असतांना ती चोरट्यांनी पळवून नेली. याप्रकरणी नाशिकरोड पोलिस ठाण्यात गुह्याची नोंद करण्यात आली असून अधिक तपास पोलिस नाईक कु-हाडे करीत आहेत.
दुसरी घटना इंदिरानगर जॉगिंग ट्रॅक भागात घडली. जेलरोड येथील अभिजीत अरूण बनकर (रा.सप्तशृंगी अपा,जेलरोड) यांनी दिलेल्या तक्रारीत म्हटले आहे की, बुधवारी (दि.४) बनकर इंदिरानगर जॉगिंग ट्रॅक भागात गेले होते. डिजीपी नगर रोडवरील यश टायर दुकानासमोर त्यांनी आपली अ‍ॅक्सेस दुचाकी एमएच १५ डीएक्स ५०४४ पार्क केली असता ती चोरट्यांनी पळवून नेली. याप्रकरणी मुंबईनाका पोलिस ठाण्यात गुह्याची नोंद करण्यात आली असून अधिक तपास पोलिस नाईक सुनिल बहिरम करीत आहेत.
तिसरी घटना औद्योगीक वसाहतीतील श्रमिकनगर भागात घडली. अंकित राजू राठोड (रा.चैतन्य अपा.आयटीआय कॉलनी) यांनी याप्रकरणी तक्रार दाखल केली आहे. राठोड यांची शाईन दुचाकी एमएच १५ डीपी ६७०० गुरूवारी (दि.५) रात्री त्यांच्या सोसायटीच्या पार्किंगमध्ये लावलेली असतांना चोरट्यांनी ती चोरून नेली. याप्रकरणी सातपूर पोलिस ठाण्यात गुह्याची नोंद करण्यात आली असून अधिक तपास पोलिस नाईक वाघमारे करीत आहेत.
Nashik City Crime Police Theft dacoity murder suicide fight beaten
