नाशिक (इंडिया दर्पण वृत्तसेवा) – हनुमानवाडी रोड भागात जुन्या भांडणाची कुरापत काढून टोळक्याने तरूणावर हल्ला केल्याची घटना घडली. या घटनेत धारदार शस्त्राचा वापर करण्यात आल्याने २४ वर्षीय युवक जखमी झाला असून याप्रकरणी पंचवटी पालिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार किरण भडांगे,निलेश भडांगे व त्यांचे दोन साथीदार अशी संशयित हल्लेखोरांची नावे आहेत.
याप्रकरणी पंकज सुरज जाधव (मुळ रा. साक्री जि. धुळे हल्ली क्रांतीनगर,मखमलाबादरोड) या जखमी युवकाने तक्रार दाखल केली आहे. जाधव बुधवारी (दि.४) रात्री हनुमानवाडी रोडने आपल्या घराकडे पायी जात असतांना ही घटना घडली. गजभीये पेट्रोल पंपाजवळील श्रध्दा लॉन्स परिसरातून तो पायी जात असतांना फुटपाथवर बसलेल्या टोळक्याने त्याची वाट अडविली.
यावेळी मागील भांडणाची कुरापत काढून संतप्त टोळक्याने त्यास शिवीगाळ व दमदाटी करीत लाथाबुक्यांनी बेदम मारहाण केली. या मारहाणीत धारदार शस्त्राने वार करण्यात आल्याने तो जखमी झाला असून अधिक तपास पोलिस नाईक बाविस्कर करीत आहेत.
Nashik City Crime Police Theft dacoity murder suicide fight beaten
