नाशिक (इंडिया दर्पण वृत्तसेवा) – औद्योगीक वसाहतीतील महाजन नगर भागात दुचाकीस धक्का लागल्याच्या कारणातून दूध विक्रेत्याने रिकामी किटली मारल्याने कारचालक जखमी झाला आहे.याप्रकरणी अंबड पोलिस ठाण्यात गुन्हा दाखल करण्यात आला आहे. याप्रकरणी गणेश अर्जुन चौधरी (रा.शंभुराज हाईटस, महाजननगर) यांनी तक्रार दाखल केली आहे.
कृष्णा दिलीप जाचक असे संशयित दूध विक्रेत्याचे नाव आहे. गणेश चौधरी मंगळवारी (दि.३) आपल्या कारने प्रवास करीत असतांना ही घटना घडली. घराजवळून कार काढून ते मार्गस्थ होत असतांना अचानक जवळून जाणा-या दूचाकीस कारचा धक्का लागला. संतप्त संशयित दूध विक्रेत्याने कार अडवित चौधरी यांना शिवीगाळ व दमदाटी केली.
यावेळी चौधरी समजावून सांगण्याचा प्रयत्न करीत असतांना दुचाकीस्वार दुध विक्रेत्याने रिकामी लोखंडी किटली त्यांच्या डोक्यात मारून पोबारा केला. या घटनेत कारचालक चौधरी जखमी झाले असून अधिक तपास हवालदार राऊत करीत आहेत.
Nashik City Crime Police Theft dacoity murder suicide fight beaten
