नाशिक (इंडिया दर्पण वृत्तसेवा) – शहरात वेगवेगळय़ा भागात पार्क केलेल्या दोन दूचाकी चोरीला गेल्या. याप्रकरणी अंबड आणि उपनगर पोलिस ठाण्यात गुन्हे दाखल करण्यात आले आहे.पहिली घटना नाशिकरोड भागात घडली. रत्नाकर महाबल शेट्टी (रा. रूतूविहार सोसा. गाडगेमळा) यांची स्प्लेंडर एमएच १५ एटी ८२५७ गेल्या ८ ऑगष्ट रोजी मस्जीद रोडवरील तिळक पथ भागात पार्क केलेली असतांना चोरट्यांनी ती चोरून नेली. याबाबत नाशिकरोड पोलिस ठाण्यात गुह्याची नोंद करण्यात आली असून अधिक तपास पोलिस नाईक देवरे करीत आहेत.
दुसरी घटना अंबड लिंक रोड भागात राहणारे निखील महादेव मटाले (रा.आरोग्यदीप अपा.) हे रविवारी (दि.१) महेश भवन भागात गेले होते. राजलक्ष्मी अपार्टमेंटच्या पार्किंगमध्ये लावलेली त्यांची अ‍ॅक्टीव्हा एमएच १५ डीएफ ७७४४ चोरट्यांनी पळवून नेली. याबाबत अंबड पोलिस ठाण्यात नोंद करण्यात आली असून अधिक तपास हवालदार आजगे करीत आहेत.
३२ वर्षीय व्यक्तीची गळफास घेऊन आत्महत्या
नाशिक (इंडिया दर्पण वृत्तसेवा) – ३२ वर्षीय व्यक्तीने गळफास लावून घेत आत्महत्या केल्याची घटना सिडकोतील स्वामी विवेकानंद नगर भागात घडली. अमोल भागवत पाटील असे मृत व्यक्तीचे नाव आहे. पाटील यांच्या आत्महत्येचे कारण समजू शकले नाही. याबाबत अंबड पोलिस ठाण्यात मृत्यूची नोंद करण्यात आली आहे.
पाटील यांनी गेल्या २५ सप्टेंबर रोजी अज्ञात कारणातून आपल्या राहत्या घरात पंख्यास ओढणी बांधून गळफास लावून घेतला होता. ही बाब निदर्शनास येताच कुटूंबियांनी त्यांना तात्काळ नजीकच्या लाईफ केअर हॉस्पिटल येथे दाखल केले होते. गेल्या आठवडाभर त्यांच्यावर उपचार सुरू असतांना मंगळवारी त्यांची अचानक प्रकृर्ती खालावली त्यामुळे त्यांना आडगाव मेडिकल कॉलेज येथे अधिक उपचारार्थ हलविण्यात आले असता सायंकाळी उपचार सुरू असतांना त्यांचा मृत्यू झाला. याबाबत डॉ. महेश सोनवणे यांनी दिलेल्या खबरीवरून पोलिस दप्तरी मृत्यूची नोंद करण्यात आली असून अधिक तपास पोलिस नाईक शिरवले करीत आहेत.
Nashik City Crime Police Theft dacoity murder suicide fight beaten
