नाशिक (इंडिया दर्पण वृत्तसेवा) – गंगाघाटावर तू मला धक्का का मारला, अशी कुरापत काढून चार जणांच्या टोळक्याने तरुणावर धारदार शस्त्राने हल्ला केला. या हल्ल्यात १९ वर्षीय तरूण गंभीर जखमी झाला आहे. याप्रकरणी पंचवटी पोलिस ठाण्यात गुन्हा दाखल करण्यात आला आहे.
शिवम राजपूत, विशाल भारद्वाज, ओमनाथ शहा, यश राजपूत (सर्व रा. सातपूर) अशी तरूणावर हल्ला करणा-या संशयितांची नावे आहेत. याबाबत अमोल उमेश सिंग (वय १९, रा. गौतमनगर सातपूर) याने फिर्याद दिली आहे. अमोल सिंग रविवारी (दि.१९) गोदाघाटावर गेला होता. दत्तमंदिरासमोर तो आपल्या मित्रासमवेत गप्पा मारत उभा असतांना ही घटना घडली.
टोळक्याने सिंग यास गाठून तु मला धक्का का मारला अशी कुरापत काढून काढली. यावेळी संतप्त टोळक्याने त्यास शिवीगाळ करीत लाथाबुक्यांनी बेदम मारहाण केली. संशयितांपैकी एकाने धारदार शस्त्राने वार केल्याने सिंग जखमी झाला असून त्याच्यावर उपचार सुरू आहेत. अधिक तपास पोलिस नाईक चव्हाण करीत आहेत.
Nashik City Crime Police Theft dacoity murder suicide fight beaten
