नाशिक (इंडिया दर्पण वृत्तसेवा) – सिडकोतील स्टेट बँक भागात भरधाव कारने दिलेल्या धडकेत जखमी झालेल्या दुचाकीस्वाराचा उपचारादरम्यान मृत्यू झाला. ज्ञानेश्वर विक्रम कटारे (वय २९, रा. मोरवाडी सिडको) असे मृत दुचाकीस्वाराचे नाव आहे. याप्रकरणी अंबड पोलिस ठाण्यात मृत्यूची नोंद करण्यात आली आहे.
कटारे गेल्या ७ नोव्हेंबर रोजी सायंकाळच्या सुमारास आपल्या दुचाकीवर प्रवास करीत असतांना हा अपघात झाला होता. लेखानगर येथील स्टेट बँकेसमोरून ते प्रवास करीत असतांना पाठीमागून भरधाव येणाºया स्विफ्टकारने दुचाकीस धडक दिली होती. या अपघातात कटारे गंभीर जखमी झाला होता. त्यास तातडीने आडगाव येथील मेडिकल कॉलेज येथे दाखल करण्यात आले होते.
सोमवारी (दि.२०) उपचार सुरू असतांना त्याचा मृत्यू झाला. याबाबत डॉ. संजय मानेकर यांनी खबर दिल्याने पोलिस दप्तरी मृत्यूची नोंद करण्यात आली असून अधिक तपास हवालदार राऊत करीत आहेत.
Nashik City Crime Police Theft dacoity murder suicide fight beaten
