नाशिक (इंडिया दर्पण वृत्तसेवा)- गोदापात्रातील रामवाडी पुल भागात पाण्यात बुडून ३९ वर्षीय व्यक्तीचा मृत्यू झाला. मुकूंद नारायण टकले (रा.वावरेवाडा,जुने नाशिक) असे मृत व्यक्तीचे नाव आहे. टकले हे पाण्यात पडल्याने ही घटना घडली असून, याप्रकरणी पंचवटी पोलिस ठाण्यात मृत्यूची नोंद करण्यात आली आहे.
पोलिसांनी दिलेल्या माहितीनुसार टकले यांचा मृतदेह रविवारी (दि.१९) सकाळच्या सुमारास गोदापात्रावरील रामवाडी पुलाजवळ आढळून आला. पाण्यात पडल्याने बुडून त्यांचा मृत्यू झाल्याचा अंदाज बांधला जात असून अधिक तपास हवालदार माळोदे करीत आहेत.
दोन लॅपटॉप व मोबाईल चोरीला
नाशिक (इंडिया दर्पण वृत्तसेवा)- अमृतधाम भागात उघड्या घरात शिरून चोरट्यांनी दोन लॅपटॉप व मोबाईल असा सुमारे ५८ हजाराचा ऐवज चोरून नेला. याप्रकरणी आडगाव पोलिस ठाण्यात चोरीचा गुन्हा दाखल करण्यात आला आहे.
राऊ कैलास वाघ (मुळ रा.देवळा हल्ली सुर्या अपा.अमृतधाम) या विद्यार्थ्याने याप्रकरणी तक्रार दाखल केली आहे. वाघ अन्य विद्यार्थ्यांसमवेत अमृतधाम भागात वास्तव्यास असून, शुक्रवारी (दि.१७) तो एकटा घरात असतांना ही घटना घडली. बेडरूममध्ये अभ्यास करीत असतांना अज्ञात चोरट्यांनी उघड्या घरात प्रवेश करून हॉलमधील टेबलावर ठेवलेले दोन लॅपटॉप आणि मोबाईल असा सुमारे ५८ हजार रूपये किमतीचा ऐवज चोरून नेला. अधिक तपास हवालदार राजूळे करीत आहेत.
Nashik City Crime Police Theft dacoity murder suicide fight beaten
