मालेगाव (इंडिया दर्पण वृत्तसेवा) – आज जनसन्मान यात्रेच्या निमित्ताने उपमुख्यमंत्री अजितदादा पवार हे मालेगावमध्ये दाखल झाले असून त्यांनी आज माजी आ.आसिफ शेख यांच्या घरी घेतली सांत्वनपर भेट घेतली. यावेळी त्यांनी माजी आ.रशीद शेख यांच्या निधनाबद्दल शोक व्यक्त केला.
माजी आ.आसिफ शेख यांनी नुकतीच दिली राष्ट्रवादी शरद पवार गटाला सोडचिठ्ठी दिली आहे. त्यांनी हा राजीनामा देतांना अपक्ष निवडणूक लढवणार असल्याची घोषणाही केली. त्यानंतर ही भेट होत असल्यामुळे त्याची राजकीय चर्चा सुरु झाली आहे. दरम्यान ही सांत्वनपर भेट असली तरी या भेटीची चर्चा अधिक आहे.
शाळकरी विद्यार्थीनींशी मनमोकळा संवाद
नाशिक जिल्ह्यातील मालेगाव येथे जनसन्मान यात्रेच्या निमित्तानं आज शाळकरी विद्यार्थीनींशी मनमोकळा संवाद अजित पवार यांनी साधला. प्रगतीपथावर वेगानं पुढे जाण्यासाठी आमच्या मायमाऊलींना, मुलींना आकाश मोकळं करून देण्याचं काम आम्ही करतोय. चांगल्या दर्जाचं शिक्षण सर्व समाज घटकातील मुलींना मिळावं यासाठी ज्यांची आर्थिक परिस्थिती कमकुवत आहे, अशा माझ्या भगिनींच्या शिक्षणाचा संपूर्ण खर्च सरकार उचलणार आहे. मायमाऊलींचे स्वप्नं आम्ही साकार करू असे त्यांनी यावेळी सांगितले.
