नवी दिल्ली (इंडिया दर्पण वृत्तसेवा) -पॅरिस ऑलिम्पिकमध्ये भारतीय कुस्तीपटू विनेश फोगटला अंतिम सामन्यापूर्वी अपात्र ठरवले गेल्याबद्दल पंतप्रधान नरेंद्र मोदी यांनी संपूर्ण देशाचे दुःख व्यक्त केले आहे.
पंतप्रधान नरेंद्र मोदी यांनी सोशल मीडियावर टाकलेल्या पोस्टमध्ये म्हटले आहे; विनेश, तू विजेत्यांमधली विजेती आहेस. तू भारताचा गौरव आहेस आणि प्रत्येक भारतीयासाठी प्रेरणा आहेस. आजच्या घटनेमुळे दुःख झाले. आज जी निराशेची भावना मी अनुभवत आहे ती शब्दात व्यक्त करणे कठीण आहे. पण याचबरोबर मी तुझी खंबीर वृत्ती जाणतो. आव्हानांना सामोरे जाणे, हे तुझ्या स्वभावातच आहे. खंबीरपणे उभी राहा. आम्ही सर्व जण तुझ्यासोबत आहोत.
