इंडिया दर्पण ऑनलाईन डेस्क
नागपूरः उपमुख्यमंत्री देवेंद्र फडणवीस यांनी माझ्या नादी लागला, तर पुरावे सादर करण्याचे दिलेले आव्हान माजी गृहमंत्री अनिल देशमुख यांनी स्वीकारले आहे. त्यांना कोणी आव्हान दिल्यास त्यांच्या आरोपांचे पुरावे सादर करू, असे देशमुख म्हणाले.
देशमुख म्हणाले, की फडणवीस यांच्याकडे असेल, तर ते त्यांनी सार्वजनिक करावेत. फडणवीस यांच्याकडे असलेल्या पेन ड्राईव्हबद्दल देशमुख म्हणाले, की फडणवीस यांच्याबाबतचे पुरावे आपल्याकडे आहेत. देशमुख यांनी मला आव्हान दिल्यास मी माझ्याकडे असलेला व्हिडिओ प्रसिद्ध करेन. मी पुराव्याशिवाय बोलत नाही. देशमुख यांनी आरोप केला, की, २०२१ मध्ये फडणवीस यांनी पाठवलेली एक व्यक्ती त्यांना भेटली होता आणि त्यांनी तत्कालीन मुख्यमंत्री उद्धव ठाकरे, त्यांचा मुलगा आदित्य ठाकरे आणि एक कॅबिनेट मंत्र्यांबाबत अनेक शपथपत्रे दिली होती. आदित्य ठाकरे, तत्कालीन अर्थमंत्री अजित पवार आणि तत्कालीन परिवहन मंत्री अनिल परब यांना गोवण्यास सांगितले होते.
त्या व्यक्तीने देशमुख यांना सांगितले होते, की तुम्हाला तुरुंगात जाण्यापासून वाचवायचे असेल, तर या शपथपत्रांवर स्वाक्षरी करावी; परंतु आपण तसे करण्यास नकार दिला. फडणवीस यांनी राष्ट्रवादी काँग्रेसच्या काही नेत्यांनी आपल्याकडे काही ऑडिओ टेप दिल्या होत्या, त्यात ते शरद पवार, उद्धव ठाकरे आणि सचिन वाजे यांच्याबद्दल बोलत असल्याचे म्हटले आहे. त्यावर देशमुख नादाला लागले आणि माझ्यावर खोटे आरोप केले गेले तर हे पुरावे सार्वजनिक करण्याशिवाय माझ्याकडे पर्याय राहणार नाही. या खटल्यात पोलिस अधिकाऱ्यांना शंभर कोटी रुपये गोळा करण्याचे निर्देश दिल्याचा आरोप आहे. देशमुख यांची निर्दोष मुक्तता झाली नसून ते जामिनावर सुटले आहेत, असे फडणवीस यांनी म्हटले होते.
फडणवीस यांच्या इशाऱ्यानंतर देशमुख यांनी पलटवार केला आहे. ते म्हणाले, की तीन वर्षांपूर्वी फडणवीस यांनी केंद्र सरकारच्या माध्यमातून माझ्यावर दबाव आणला होता. फडणवीस यांनी माझ्यावर केलेल्या आरोपांचे व्हिडिओ रेकॉर्डिंग माझ्याकडे आहे. जर कोणी मला आव्हान दिले, तर मी त्याचा पर्दाफाश करेन.
