नाशिक (इंडिया दर्पण वृत्तसेवा)- अंबड औद्योगीक वसाहतीत बंद कारखान्याचा पत्रा कापून चोरट्यांनी कॉपर वायर व स्क्रॅप कॉपर चोरून नेल्याची घटना घडली. याघटनेत सुमारे दीड लाख रूपयांच्या ऐवजावर चोरट्यानी डल्ला मारला असून ही घटना सीसीटिव्ही यंत्रणेत कैद झाली आहे. याप्रकरणी अंबड पोलीस ठाण्यात गुन्हा दाखल करण्यात आला आहे.
भास्कर काशिनाथ कापडणे (रा.वासननगर,पाथर्डी फाटा) यांनी याबाबत फिर्याद दिली आहे. कापडणे औद्योगीक वसाहतीतील प्लॉट नं. २ सर्व्हे नं, १२३-३-३-२ येथील पॉवर कॅब इंडस्ट्रीज या कारखान्याचे काम बघतात. मंगळवारी (दि.२३) रात्री अज्ञात चोरट्यांनी कंपनीच्या दक्षिण बाजूचा पत्रा कटरच्या सहाय्याने कापून चोरट्यांनी चोरी केली.
चोरट्यांनी कारखान्यातील कॉपर वायर व स्क्रॅप कॉपर असा सुमारे १ लाख ४६ हजार ४०० रूपये किमतीचा ऐवज पळविला असून ही घटना कारखाना परिसरातील सीसीटिव्ही यंत्रणेत कैद झाली आहे. पोलीस सीसीटिव्ही फुटेजच्या माध्यमातून चोरट्यांचा माग काढत असून अधिक तपास उपनिरीक्षक पाटील करीत आहेत.
