नाशिक (इंडिया दर्पण वृत्तसेवा)- पार्क केलेल्या छोटा हत्ती टेम्पोची बॅटरी चोरट्यांनी चोरून नेल्याची घटना पाथर्डी फाटा भागात घडली. याबाबत दोन चोरट्यांवर चोरीचा संशय व्यक्त करण्यात आला असून याप्रकरणी इंदिरानगर पोलीस ठाण्यात चोरीचा गुन्हा दाखल करण्यात आला आहे.
पोलीसांनी दिलेल्या माहितीनुसार सोनू मनोज भालेराव व कृष्णा पालवे (रा.दोघे भिमनगर,गंजमाळ) अशी गुन्हा दाखल करण्यात आलेल्या संशयितांची नावे आहेत. याबाबत जनार्दन राजाराम आहेर (रा.योगेश अपा.नरहरीनगर,पाथर्डी फाटा) यांनी फिर्याद दिली आहे. आहेर यांच्या मालकीचा छोटा हत्ती टेम्पो सोमवारी (दि.१५) पहाटेच्या सुमारास त्यांच्या सोसायटीच्या पार्किंगमध्ये लावलेली असतांना संशयित टेम्पोची सुामरे ५ हजार रूपये किमतीची बॅटरी काढतांना मिळून आले. अधिक तपास पोलीस नाईक परदेशी करीत आहेत.
१९ वर्षीय तरूणाची आत्महत्या
नाशिक (इंडिया दर्पण वृत्तसेवा) – अशोका मार्ग भागात राहणा-या १९ वर्षीय तरूणाने विषारी औषध सेवन करून आत्महत्या केली. सदर युवकाच्या आत्महत्येचे कारण समजू शकले नाही. याबाबत उपनगर पोलीस ठाण्यात मृत्यूची नोद करण्यात आली आहे.
चंदू रामबहाद्दूर शुनार (रा.जानकी अपा.अशोका स्कूल समोर,अशोकामार्ग) असे मृत युवकाचे नाव आहे. चंदू शुनार याने सोमवारी (दि.१५) सकाळच्या सुमारास अज्ञात कारणातून विषारी औषध सेवन केले होते. परिसरातील सागर स्विट पाठीमागील पडित जागेवरील झाडाझुडपात तो अस्वस्थ आवस्थेत आढळून आल्याने मेव्हणे तुल बहाद्दूर शुनार यांनी त्यास तातडीने जिल्हारूग्णालयात दाखल केले असता वैद्यकीय सुत्रानी तपासून मृत घोषीत केले. अधिक तपास हवालदार पवार करीत आहेत.
