इंडिया दर्पण ऑनलाईन डेस्क
शिवसेना ठाकरे गटाचे मुंबई पदवीधर मतदारसंघात अनिल परब तर शिक्षक मतदार संघात जगन्नाथ मोतीराम अभ्यंकर यांचा विजय झाला. परब यांना ४४ हजार ७८४ तर भाजपचे किरण शेलार यांना १८ हजार ७७२ मते मिळाली. २६ हजार २६ मतांनी परब यांनी हा विजय मिळवला. तर शिक्षक मतदार संघात जगन्नाथ अभ्यंकर यांनी ४ हजार ८३ मतांनी विजय मिळवला. या ठिकाणी शिक्षक भारतीचे उमेदवार यांच्यात अभ्यंकर यांची लढत होती.
भाजपने या निवडणुकीत जोरदार प्रचार करत ठाकरे गटाला शह देण्याचा प्रयत्न केला. पण, यात ठाकरे गटाला यश मिळाले. लोकसभा निवडणुकीनंतर ठाकरे गटाने पुन्हा भाजपला मोठा धक्का दिला आहे. ठाण्यात मात्र निरंजन डावखरे यांनी काँग्रेसचे उमेदवार रमेश किर यांना पराभव करते विजय मिळवला तर शिवसेना शिंदे गटाचे नाशिक येथील शिक्षक मतदार संघाचे उमेदवार किशोर दराडे यांचा विजय जवळपास निश्चित होता.
