नवी दिल्ली (इंडिया दर्पण वृत्तसेवा)- अहमदनगर लोकसभा मतदार संघाचे राष्ट्रवादी शरद पवार गटाचे खासदार निलेश लंके यांनी मंगळवारी इंग्रजीतून शपथ घेतल्यानंतर त्यावर अभिनेता व खासदार डॅा. अमोल कोल्हे यांनी जिंकलास भावा! असे सांगत प्रतिक्रिया दिली आहे. त्यात त्यांनी पुढे म्हटले डोन्ट अन्डरएस्टीमेट द पॅावर ऑफ कॅामन मॅन, अॅण्ड येस, यु कॅन टॅाक इंग्लिश, वॅाक इंग्लिश…इंग्लिश इज फनी लॅग्वेंज.
लोकसभा निवडणुकीत सुजय विखे पाटील यांनी निलेश लंके यांना इंग्रजी भाषेवरुन हिणवले होते. त्यामुळे त्यांनी इंग्रजीतून शपथ घेऊन त्यांना लंके यांनी उत्तर दिले. त्यामुळे इंग्रजीतून शपथ घेण्याला एक वेगळं महत्त्व होतं. म्हणून डॅा. कोल्हे यांनी दिली ही प्रतिक्रिया दिली.
नेमकं घडलं काय
लोकसभेत सुजय विखे पाटील यांनी मी जेवढी इंग्रजी बोलतो तेवढी इंग्रजी समोरच्या उमेदवाराने पाठ करुन जरी बोलून दाखवली तरी मी उमेदवारी अर्ज भरणार नाही असे त्यांनी सांगितले होते. त्यानंतर चांगलचे पडसाद उमटले होते. त्यानंतर लंकेने यांनी विखे यांचे आव्हान स्विकारले होते. इंग्रजी ही केवळ एक भाषा आहे, ती शिकायची म्हटल्यास त्यामध्ये काय अवघड असे ते म्हणाले होते. या आव्हान, प्रतिआव्हान नंतर निवडणूक संपली. लंके विजयी झाले. पण, संसदेच्या दुस-याच दिवशी लंकेने इंग्रजीत शपथ घेऊन विखे पाटील यांना उत्तर दिले.