नाशिक (इंडिया दर्पण वृत्तसेवा)– कॅनडा कार्नर भागात गाडी व्यवस्थीत चालविता येत नाही का असे म्हणत चार जणांच्या टोळक्याने कारचालकावर धारदार शस्त्राने हल्ला केल्याची घटना घडली. या घटनेत चालक जखमी झाला असून याप्रकरणी सरकारवाडा पोलीस ठाण्यात गुन्हा दाखल करण्यात आला आहे. पोलीसांनी दिलेल्या माहितीनुसार मयुर गणपत कतवारे (३३ रा.गौरी शंकर मंगल कार्यालयामागे,सिडको) यांनी फिर्याद दिली आहे.
कतवारे शनिवारी (दि.२२) रात्री कॅनडा कॉर्नर भागातून आपल्या कारमधून घराकडे प्रवास करीत असतांना ही घटना घडली. एस.एस. मोबाईल दुकानासमोर पाठीमागून दुचाकीवर डबलसिट आलेल्या दुकलीने त्यांची वाट अडविली. यावेळी कुठलेही कारण नसतांना संशयितानी गाडी व्यवस्थीत चालविता येत नाही का ? असे म्हणून वाद घातला. यावेळी एमएच १५ जेएम ०१२५ मधून आलेल्या दोन जणांनी या वादात शिवीगाळ व दमदाटी करीत गाडीखाली खेचून कतवारे यांना लाथाबुक्यानी मारहाण केली. तर एकाने त्यांच्या डोळयावरील भूवईवर धारदार वस्तूने वार करून जखमी केले. अधिक तपास हवालदार खोडे करीत आहेत.
