इंडिया दर्पण ऑनलाईन डेस्क
आज प्रचाराच्या शेवटच्या दिवशी देशातील महान लोकांना अभिवादन करताना मला काँग्रेस कार्यकर्त्यांना आत्मविश्वासाने सांगायचे आहे की, इंडिया आघाडीचे सरकार स्थापन होणार आहे. देशाची राज्यघटना आणि संस्था वाचवण्यासाठी उभे राहिलेल्या आघाडीच्या सर्व नेत्यांचे आणि कार्यकर्त्यांचे मी मनापासून आभार मानतो असे सांगत काँग्रेस नेते राहुल गांधी यांनी विश्वास व्यक्त केला.
ते म्हणाले की, जनतेच्या चिंतेच्या खऱ्या मुद्द्यांवर निवडणूक लढवण्यात आम्ही यशस्वी झालो. पंतप्रधानांनी वारंवार प्रयत्न करूनही शेतकरी, कामगार, तरुण, महिला आणि वंचितांचा आवाज आम्ही उठवला. समाजातील प्रत्येक घटकाचे जीवन बदलून टाकणाऱ्या पर्यायी दृष्टीच्या रूपात आम्ही देशासमोर क्रांतिकारी हमी एकत्रितपणे मांडल्या आणि आमचा संदेश प्रत्येक कानाकोपऱ्यात पोहोचवला. मी तुम्हा सर्वांना आवाहन करतो की, शेवटच्या क्षणापर्यंत मतदान केंद्र आणि स्ट्राँग रूमवर लक्ष ठेवा.
