नाशिक (इंडिया दर्पण वृत्तसेवा)- रामकुंड परिसरात पार्क केलेली दुचाकी चोरट्यांनी पळवून नेली. याप्रकरणी पंचवटी पोलीस ठाण्यात गुन्हा दाखल करण्यात आला असून पोलीसांनी एका संशयितास ताब्यात घेतले आहे.
हिरावाडीतील मनोज दिलीप परदेशी (रा.कमलनगर) यांनी फिर्याद दिली आहे. परदेशी सोमवारी (दि.२०) सकाळी गोदाघाटावरील रामकुंड परिसरात गेले होते. पांडे मिठाई समोरील भोलेहर जनरल स्टोअर्स येथे त्यांनी आपली एमएच १५ सीझेड ३८३३ मोटारसायकल पार्क केली असता ती चोरट्यांनी चोरून नेली.
पोलीसांनी या घटनेची दखल घेत परिसरातील सीसीटिव्ही यंत्रणेच्या आधारे एका संशयितास ताब्यात घेतले असून अधिक तपास जमादार वनवे करीत आहेत.
