इगतपुरी (इंडिया दर्पण वृत्तसेवा) – इगतपुरी तालुक्यातील भावली धरणात नाशिकरोड येथील पाच जण बुडाल्याची माहित समोर आली आहे. मंगळवारी दुपारी हे सर्व पाचही जण फिरायला गेले होते. सायंकाळी ही घटना घडली. या पाच जणांमध्ये तीन मुली व दोन मुलांचा समावेश आहे. हे सर्व जण नाशिकरोड येथून रिक्षाने गेले होते.
या घटनेबाबत माहिती मिळाल्यानंतर पोलिसही घटनास्थळी पोहचले. या सर्वांचे मृतदेह बाहेर काढण्यात आले आहे. त्यानंतर इगतपुरी ग्रामीण रुग्णालयात पाठवण्यात आले. अनस खान दिलदार खान (१५) नाझिया इमरान खान (१५) , मीजबाह दिलदार खान (१६). हनीफ अहमद शेख (२४) . ईकरा दिलदार खान(१४) अशी बुडालेल्यांची नावे आहे.
