नाशिक (इंडिया दर्पण वृत्तसेवा)- लेखानगर भागात भरधाव दुचाकी घसरल्याने ३२ वर्षीय मोटारसायकलस्वाराचा मृत्यू झाला. हर्षल प्रदिप सुकेनकर (३२ रा.सिडको कॉलनी,पोस्ट ऑफिस जवळ) असे मृत दुचाकीस्वाराचे नाव आहे .याबाबत अंबड पोलीस ठाण्यात मृत्यूची नोंद करण्यात आली आहे.
सुकेनकर शनिवारी (दि.१८) सायंकाळच्या सुमारास लेखानगर कडून सर्व्हीस रोडने स्टेट बँकेच्या दिशेने आपल्या दुचाकीवर प्रवास करीत असतांना हा अपघात झाला. लाईफ केअर हॉस्पिलट परिसरात भरधाव दुचाकी घसरल्याने तो गंभीर जखमी झाला होता. बेशुध्द अवस्थेत त्यास लाईफ केअर मार्फत रात्री कुटूंबियांनी जिल्हारूग्णालयात दाखल केले असता वैद्यकीय सुत्रांनी तपासून मृत घोषीत केले.
