इंडिया दर्पण ऑनलाईन डेस्क
भाजपच्या तिकिटावर हिमाचल प्रदेशमधील मंडी या मतदारसंघातून निवडणूक लढवणारी अभिनेंत्री कंगना रणौत यांनी प्रचार सभेत आपल्या पक्षाच्या एका नेत्यांवर टीका केल्यामुळे त्यांचा हा व्हिडिओ जोरदार व्हायरल होत आहे. या सभेत रणौत यांनी राष्ट्रीय जनता दलचे नेते तेजस्वी यादव यांचे नाव घेण्याऐवजी तिने चुकून भाजप खासदार तेजस्वी सूर्या यांचे नाव घेतले. त्यामुळे तीच्या या वक्तव्यावरुन सोशल मीडियावरही जोरदार चर्चा आहे.
या रॅलीमध्ये विरोधकांवर टीका करताना कंगना म्हणाली, ही बिघडलेल्या शहजादांची पार्टी आहे. त्यांनाच माहित नाही की त्यांना कुठे जायचं आहे. मग ते राहुल गांधी असो, ज्यांना चंद्रावर बटाटे उगवायचे असतील किंवा मग तेजस्वी सूर्या असो जे गुंडगिरी करतात आणि मासे खातात. कंगनाचा हा व्हिडीओ सोशल मीडियावर तुफान व्हायरल झाला आहे.
विशेष म्हणजे तेजस्वी यादव यांनी ये मोहतरमा कौन है असा सवाल करत हा व्हिडीओ पोस्ट केला आहे.
