मुंबई (इंडिया दर्पण वृत्तसेवा) – मुंबईतील उत्तर पश्चिम मतदार संघातून रविंद्र वायकर यांना शिवसेना शिंदे गटाने उमेदवारी जाहीर केली आहे. गेल्या काही दिवसांपासून या मतदार संघात कोणाला उमेदवारी दिली जाते यावर चर्चा होती. वायकर यांचे नाव जवळपास निश्चित होते. पण, भाजप व मनसेचा या नावाला विरोध असल्यामुळे ही उमेदवारी जाहीर कऱण्यात आली नव्हती. पण, आता अधिकृतपणे ही उमेदवारी शिंदे गटाने जाहीर केली आहे.
महायुतीची सहा लोकसभा मतदार संघातील नावे अद्याप जाहीर होणे बाकी होते. त्यातील एक नाव जाहीर करण्यात आले असून इतर नावे लवकरच जाहीर कऱण्यात येणार असल्याचे सांगण्यात येत आहे. मुंबईतील उत्तर पश्चिम मतदार संघात ठाकरे गटाने याअगोदर अमोल किर्तीकर यांची उमेदवारी जाहीर केली आहे. या ठिकाणी गजानन किर्तीकर हे शिंदे गटाचे विद्यमान खासदार आहे.
