नाशिक (इंडिया दर्पण वृत्तसेवा) – मुंबई – आग्रा महामार्गावर चांदवड जवळ भीषण अपघातात ६ जणांचा मृत्यू झाला तर अनेक जण जखमी झाल्याचे वृत्त आहे. राऊड घाटात एसटी बस आणि ट्रकमध्ये हा अपघात सकाळी साडेनऊ वाजता झाल्याची माहिती समोर आली आहे. या अपघातात मृताचा आकडा वाढण्याची शक्यता आहे.
सकाळी झालेल्या या भीषण अपघातानंतर स्थानिकांनी मदतीसाठी धाव घेतली. तर पोलिस घटनास्थळी पोहचले. बसचे टायर फुटल्याने हा अपघात झाल्याची प्राथमिक माहिती समोर आली आहे.
राहुड घाटात नेहमी अपघात होत असतात. त्यात हा मोठा अपघात झाला आहे. जखमींना रुग्णालयात दाखल करण्यात आले असून त्यांच्यावर तातडीने उपचार केले जात आहे.
