नाशिक (इंडिया दर्पण वृत्तसेवा) – मुंबई – आग्रा महामार्ग वर शुक्रवारी पहाटे सहा वाजता स्कॉर्पियो गाडी पलटी झाल्याची घटना घडली. या अपघातात १० जण जखमी झाले. धुळ्याकडुन मुंबई कडे जात असताना गोंदे प्रणाम हॉटेल जवळ हा अपघात झाला. अचानक टायर फुटल्याने गाडी पलटी झाल्याचे सांगण्यात आले. या अपघातात तीन जण गंभीर तर ७ जणांना मुका मार लागला आहे.
या अपघातातील स्कॉर्पियो चा MH18.W.5855 हा नंबर आहे. या अपघातात धुळे येथे राहणारे वासिम लतीफ बागवान, अहम्मद रजा शमशेर, रजा इस्लाल अहम्मद, शेख हापिस, बद्दरुज निसा, जमिल भानु इकरा शेख, फरहान शेख, हाफिफ शेख हे सर्व जखमी झाले.
या अपघाताची माहिती मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत अॅम्बुलन्स लगेचच अपघात स्थळी पोहोचली व त्या जखमींना नासिक सिव्हिल हॅास्पिटलमध्ये दाखल केले.
