इंडिया दर्पण ऑनलाईन डेस्क
परभणी येथे शिवसेना ठाकरे गटाचे प्रमुख उद्धव ठाकरे यांच्या सभेत जोरदार पावासाने हजेरी लावली. या भर पावसात उध्दव ठाकरे यांनी भाषण केले. ठाकरे गटाचे संजय जाधव यांच्या प्रचारासाठी असलेल्या या सभेत पंतप्रधान नरेंद्र मोदी, केंद्रीय गृहमंत्री अमित शाह यांच्यावर सडकून टीका केली.
यावेळी ठाकरे म्हणाले की, परभणी माझ्या शिवसेनेचा बालेकिल्ला राहिलेला आहे. तुम्ही सर्व त्याचे सैनिक आहात. भाजपला असं वाटलं असेल, मिंध्यांना असं वाटलं असेल की, सर्व काही पैशांनी विकत घेता येतं. पण परभणीकर पैशांनी विकले जाऊ शकत नाहीत. हे शिवसेना प्रमुखांनी कमवलेलं जे प्रेम आहे ते आशीर्वादाच्या रुपाने माझ्या समोर बसलं आहे. ही आपली परीक्षा आहे. अरे वादळाला सुद्धा अंगावर घ्यायला मर्दाची छाती लागते ती आपल्याकडे आहे. आम्ही पाठीवर वार करत नाहीत. आम्ही वादळाच्याही छातीवर वार करणारे शिवरायांचे मावळे आहोत असं उद्धव ठाकरे म्हणाले.
बघा संपूर्ण भाषण….
