इंडिया दर्पण ऑनलाईन डेस्क
पुणेः पंतप्रधान नरेंद्र मोदी आणि राज ठाकरे आणि यांची लवकरच मुंबईतील शिवाजी पार्क मैदानावर जाहीर सभा होणार असल्याची माहिती मनसेचे युवा नेते अमित ठाकरे यांनी दिली. गेल्या काही दिवासांपासून या सभेची चर्चा होती. पण, त्याबाबत अधिकृतपणे कोणीही माहिती दिली नाही. पण, अमित ठाकरे यांनी पुणे येथे पत्रकारांशी बोलतांना ही माहिती दिली.
लोकसभा निवडणुकीसाठी राज यांनी गुढीपाडवा मेळाव्यात जाहीर पाठिंबा दिला. लवकरच प्रचार सभा घेण्याचे त्यांनी जाहीर केले. त्यानंतर या सभेची चर्चा होती. अमित ठाकरे आज पुण्यात आहे. त्यांनी अगोदर भाजपचे उमेदवार मुरलीधर मोहोळ यांची सदिच्छा भेट घेतली. त्यानंतर त्यांच्याशी निवडणुकीबाबत सविस्तर चर्चा केली. त्यानंतर त्यांनी पत्रकारांशी संवाद साधला.
यावेळी त्यांनी प्रभाग निहाय बैठका घेतल्याची माहिती दिली. या बैठकीत महायुतीचे काम करण्याच्या सूचना पदाधिकाऱ्यांना दिल्याची माहिती दिली.
