नाशिक (इंडिया दर्पण वृत्तसेवा)– हिरावाडीरोडवरील दामोदरनगर भागात घराच्या सामाईक भिंतीचे होल बुजवण्याच्या वादातून शेजा-यांनी मायलेकींना बेदम मारहाण केल्याची घटना घडली. या घटनेत फरशी घसण्याचा लाकडी ब्रश मारून फेकण्यात आल्याने महिला जखमी झाली असून याप्रकरणी पंचवटी पोलीस ठाण्यात गुन्हा दाखल करण्यात आला आहे.
भरत कुडके,पिंकी कुडके,सोनी कुडके व अलका माळी (रा.सर्व दामोदरनगर ) अशी मायलेकींना मारहाण करणा-या संशयितांची नावे आहेत. याबाबत मिनाक्षी पुरूषोत्तम परमार (रा.सर्वज्ञ.दामोदरनगर ) यांनी फिर्याद दिली आहे. तक्रारदार महिला व संशयित एकमेकांचे शेजारी असून त्यांच्यात घरासमोरील सामाईक भिंतीवरून वाद आहे.
गेल्या २४ मार्च रोजी सकाळच्या सुमारास संशयितांनी सामाईक भिंतीला असलेले होल बुजविण्याच्या कारणातून परमार व त्यांच्या मुलीस शिवीगाळ व दमदाटी करीत मारहाण केली. यावेळी फरशी घसण्याचा लाकडी ब्रश फेकुन मारण्यात आल्याने महिला जखमी झाली असून अधिक तपास जमादार वनवे करीत आहेत.
