इंडिया दर्पण ऑनलाईन डेस्क
नागपूर लोकसभा मतदार संघात निवडणुकीच्या निकाला आधीच झळकलेले भावी खासदाराचे बॅनरने सर्वांचे लक्ष वेधले. उत्तर नागपुरात सुरु असलेल्या काँग्रेसचे उमेदवार विकास ठाकरे यांच्या प्रचार यात्रेत हजारोंच्या संख्येत नागरिक सहभागी झाले. ही यात्रा जिंजर मॉल परिसरात पोहोचात “हर ओर अंधेरा है, ईमादार नेता ही आने वाले कल का सबेरा है, भावी खासदार विकासभाऊ ठाकरे” या ओळींसह मोठे बॅनर क्रेनवर चाहत्यांनी झळकवताच यात्रेत सहभागींमध्ये काँग्रेसच्या कार्यकर्त्यांचा उत्साह संचारला. तसेच दिवसभर याचे फोटो सोशल मीडियावर व्हायरल होत होते.
नागपूर लोकसभेत केंद्रीय मंत्री नितीन गडकरी हे उमेदवार असून येथील निवडणूक चांगलीच रंगली आहे. गडकरी यांनी जोरदार प्रचाराला सुरुवात केली तर त्यांच्या विरोधात काँग्रेसचे उमेदवार विकास ठाकरे यांनी प्रचारात रंगत आणली आहे. त्यामुळे येथील प्रचारही चर्चेत असतो. मंगळवारी या निवडणुकीत हे बॅनर चर्चेत होते.
