वंदना वेदपाठक, इंडिया दर्पण वृत्तसेवा
प्रसिद्ध कॉमेडीयन कपिल शर्मा आपल्या वेगळ्या शैलीने प्रेक्षकांना पुन्हा एकदा खळखळून हसवायला सज्ज आहे. त्याचा ‘द ग्रेट इंडियन कपिल शो’ लवकरच सुरू होणार आहे. या शोची उत्सुकता ब-याच दिवसांपासून होती. यानिमित्ताने कपिल शर्मा आणि सुनील ग्रोव्हर खूप वर्षांनी पुन्हा एकत्र काम करणार आहेत. हा शो कधी सुरु होणार याची सर्वांना उत्सुकता होती. नुकताच ‘द ग्रेट इंडियन कपिल शो’ चा धम्माल ट्रेलर रिलीज झालाय. आणि आनंदाची गोष्ट म्हणजे सुनिल ग्रोव्हरची ‘गुत्थी’ पुन्हा एकदा प्रेक्षकांच्या भेटीला येतेय.
‘द ग्रेट इंडियन कपिल शो’ निमित्ताने कपिल आणि सुनील ग्रोव्हर २०१७ मध्ये झालेल्या वादानंतर पुन्हा एकत्र काम करत आहेत. ट्रेलरमध्ये पाहायला मिळतं की, रणबीर कपूर, नीतू कपूर, आमिर खान, दिलजीत दोसांज, रोहित शर्मा आणि श्रेयस अय्यर सारखे अनेक कलाकार सहभागी होणार आहेत. नवीन शो मध्ये कपिल शर्माच्या कलाकारांची पुन्हा एकदा तगडी टीम सर्वांना खळखळून हसवायला सज्ज आहे.
ग्रेट इंडियन कपिल शो’ मध्ये कपिल शर्मासोबत अर्चना पूरन सिंग, किकू शारदा, कृष्णा अभिषेक आणि सुनील ग्रोव्हर हे कलाकार धम्माल करताना दिसणार आहेत. ३० मार्चपासून नेटफ्लिक्स या OTT प्लॅटफॉर्मवर दर शनिवारी रात्री ८ वाजता ‘द ग्रेट इंडियन कपिल शो’ चा नवीन एपिसोड पाहायला मिळेल. या शोमध्ये पहिल्यांदाच आमिर खान आणि रोहित शर्मा सहभागी होणार आहेत. त्यामुळे चाहत्यांसाठी पर्वणीच आहे.
