वंदना वेदपाठक, इंडिया दर्पण वृत्तसेवा
हॅण्डसम हंक आणि बॉलीवूडचा अभिनेता जॉन अब्राहम आणि अभिनेत्री शर्वरी वाघ यांच्या बहुप्रतिक्षित अशा ‘वेदा’ या चित्रपटाचा टीझर प्रदर्शित झाला आहे. एका वेगळ्या विषयांवरील या चित्रपटाच्या टीझरला प्रेक्षकांचा मोठा प्रतिसाद मिळाला आहे.
वेदाच्या टीझर मध्ये शर्वरी भ्रष्टाचारानं बरबटलेल्या व्यवस्थेच्या विरोधात दोन हात करताना दिसते. मात्र ही लढाई तिच्यासाठी सोपी नाही. यावेळी तिला खूप साऱ्या संकटांना तोंड द्यावे लागते. अशात तिला साथ मिळते ती जॉन अब्राहमची. तो तिला सांगतो की, “मुझे झगड़ना नहीं आता, सिर्फ जंग लड़नी आती है।”निखिल अडवाणी दिग्दर्शित या चित्रपटाचा निर्मिती जॉन अब्राहमनं केली आहे.
हा सिनेमा दोघांच्याही ॲक्शन आणि उत्तम केमिस्ट्री मुळे चर्चेत आहे. बंटी और बबली २ नंतर शर्वरी पुन्हा एका नव्या अंदाजातून प्रेक्षकांसमोर येणार आहे. हा चित्रपट येत्या १२ जुलै रोजी प्रदर्शित होणार आहे. जॉन अन् शर्वरीशिवाय या चित्रपटामध्ये अभिषेक बॅनर्जीचीही महत्वाची भूमिका आहे. तसेच तमन्ना भाटिया सुद्धा एका दृश्यात दिसणार आहे.
