नाशिक (इंडिया दर्पण वृत्तसेवा) – चुंचाळे शिवारात रस्त्यात दुचाकी पार्क केल्याच्या वादातून तीन जणांच्या टोळक्याने दोन मित्रांना बेदम मारहाण केल्याची घटना घडली. या घटनेत एकास दगड फेकून मारण्यात आल्याने तो जखमी झाला असून याप्रकरणी अंबड पोलीस ठाण्यात गुन्हा दाखल करण्यात आला आहे.
मंगेश साळवे,निलेश खडसे व विकी भालेगाव (रा.घरकुल चुंचाळे) अशी दोघा मित्रांना मारहाण करणा-या संशयितांची नावे आहेत. याबाबत शिवशंकर कृष्णा मंडल (मुळ रा.प.बंगाल हल्ली घरकुल योजना) या युवकाने तक्रार दाखल केली आहे. संशयित साळवे याने शनिवारी (दि. १६) घरकुल योजना येथील बिल्डींग नं.१ समोर रस्त्यावर दुचाकी पार्क केल्याने ही हाणामारी झाली.
शिवशंकर मंडल व उत्पल मंडल या दोघानी मोटारसायकल रस्त्यात पार्क केल्याचा जाब विचारल्याने संतप्त त्रिकुटाने उत्पल मंडल यास लाथाबुक्यांनी मारहाण केली. यावेळी साळवे याने खाली पडलेला दगड उचलून शिवशंकर यास मारून फेकल्याने तो जखमी झाला असून अधिक तपास हवालदार अहिरराव करीत आहेत.
