नाशिक (इंडिया दर्पण वृत्तसेवा) – एकलहरारोड भागात पार्क केलेल्या महिलेच्या किया कारची चाके चोरट्यांनी खोलून नेली. चोरट्यांनी डिक्ससह चाके पळविली आहेत. याप्रकरणी नाशिकरोड पोलीस ठाण्यात गुन्हा दाखल करण्यात आला आहे.
डॉ.माधवी वैभव गायकवाड (रा. मेट्रो मॉलजवळ, आगरटाकळी) यांनी याबाबत फिर्याद दाखल केली आहे. डॉ. गायकवाड यांची किया कार एमएच १५ एचवाय ६२१३ मंगळवारी (दि.१२) रात्री एकलहरारोडवरील गवळीबाबा मंदिरासमोर पार्क केलेली असतांना ही घटना घडली.
अज्ञात चोरट्यांनी पार्क केलेल्या कारची पुढील बाजूची सुमारे २० हजार रूपये किमतीची दोन चाके डिस्कसह खोलून नेली. अधिक तपास हवालदार गायकवाड करीत आहेत.
पार्क केलेली टेम्पो चोरट्यांनी पळवून नेली
नाशिक (इंडिया दर्पण वृत्तसेवा) – वडाळागावातील अकसा फिश शॉप पाठीमागील मैदानात पार्क केलेली टेम्पो चोरट्यांनी पळवून नेला. याप्रकरणी इंदिरानगर पोलीस ठाण्यात चोरीचा गुन्हा दाखल करण्यात आला आहे.
जाफर गफार शेख (रा.मदार अपा.तैबानगर,वडाळागाव) यांनी याबाबत फिर्याद दिली आहे. शेख यांच्या मालकिचा सुमारे ५ लाख ३० हजार रूपये किमतीचा एमएच १५ जेसी २३९२ हा टेम्पो गेल्या गुरूवारी (दि.७) रात्री परिसरातील अकसा फिश शॉप पाठीमागील मोकळया मैदानावर पार्क केलेला असतांना तो चोरट्यांनी चोरून नेला. अधिक तपास उपनिरीक्षक शिरसाठ करीत आहेत.
