नाशिक (इंडिया दर्पण वृत्तसेवा) – भाजपचे माजी खासदार हरिश्चंद्र चव्हाण यांनी नाशिकमध्ये शरद पवार यांची भेट घेतली. भाजपने पुन्हा डॅा. भारती पवार यांना उमेदवारी दिल्यामुळे चव्हाण नाराज आहे. दिंडोरी लोकसभा मतदार संघातून ते निवडणूक लढवण्यासाठी इच्छुक आहेत. त्यामुळे त्यांना राष्ट्रवादी उमेदवारी देते का उत्सुकतेचा विषय आहे.
दिंडोरी लोकसभा मतदार संघातून तब्बल तीन वेळा उमेदवारी केलेले हरिश्चंद्र चव्हाण हे गेल्या काही दिवसांपासून भाजपापासून दूर आहेत. गेल्या लोकसभा निवडणुकीत त्यांचे तिकीट कापून भारती पवार यांना उमेदवारी दिली होती.
