नाशिक (इंडिया दर्पण वृत्तसेवा) – महाशिवरात्रीच्या निमित्ताने विहितगाव, नाशिकरोड येथील श्री दत्त पेट्रोलियम येथे भगवान शंकराची वेशभुषा धारण केलेल्या मुलाच्या हस्ते ग्राहकांना प्रसाद वाटप करण्याचा एक आगळावेगळा कार्यक्रम साजरा करण्यात आला.
वाहनांमध्ये इंधन भरताना हुबेहूब दिसणाऱ्या भगवान शंकराच्या हस्ते प्रसाद घेतांना अनेक ग्राहकांना मनस्वी आनंद होत होता. यावेळी जागतिक महिला दिनाच्या निमित्ताने काही महिला ग्राहकांना भेटवस्तूंचे देखील वाटप करण्यात आले.
यावेळी श्री दत्त पेट्रोल पंपाच्या संचालिका सौ विद्या बापू वावरे यांनी उपस्थितांचे स्वागत केले.
